متابعة : شيماء العدل
روت فتاة تفاصيل اختطافها منذ 23 عاما بعد اختطافها ، وهى طفلة ويتجدد أملها الآن فى العثور على أسرتها وأن تعود لحضن أمها مره أخرى .
روت فتاة تفاصيل قصتها معربة عن أمنيتها في الوصول لأهلها قائلة ” الصورة دي وأنا عمري سنتين من داخل قسم ميت غمر من 23 سنة كنت بنفس اللبس ، ونفس التسريحة اللي في الصورة دي لما ناس لقوني على محطة قطار ميت غمر وسلموني لدار رعاية الايتام وبعدها الدار سلمتني للقسم ، واتعمل محضر واتصورت الصورة اللي أنتوا شايفنها دي اتسجل في محضر العثور بالقسم وقتها لبسي ده وسني التقديري سنتين وكمان اختطاف بغرض السرقة وده كان بسبب الجروح اللي كانت في أيدي مكان الإسورة الدهب اللي كنت لابساها واللى خطفني أخدها من أيدي ورماني في المحطة ومشي” .
وواصلت قصتها باكية “عشت حياتي كلها في الدار لحد لما اتخرجت من كلية تربية ، وبعدها ربنا كرمني واتجوزت وعمري دلوقتي حوالي 25 سنة أملي في ربنا كبير
يااااه يا أمي … يااارب ربنا يكرمني وأشوفك بقول لإخواتي وأهلي كلهم إن شاء الله هتعرفوني من صورتي لأنها في نفس يوم العثور عليه ونفسى ربنا يكرمني وتوصل صورتي لحد منكم ويشوفها باذن الله” .
ونتمنى من يتعرف على صاحبة الصورة التواصل مع ادارة الموقع
