بالفيديو ..حوار خاص مع ابنة بائع الخضار بمنية النصر دقهلية وأسباب تفوقها بالثانوية العامة

كتبت :مني محمد عبد السلام

النجاح لا يعرف من كان غنيا أو فقيرا ولا يختص بجاه أو مكانة أو بتعليم أب أو أم وإنما يعرف صاحب قدرات وإرادة وجهد وشغل وخطة وهدف يسعى اليه في صمت ويسعى معه توفيق من الله ابنة لأبوين كريمين جعلا كل جهدهما لكبرى أبناءه رغم صعوبات الحياة المادية حتى علمتها الحياة أن تشارك الوالدين الكفاح حتى أتم الله فرص الحصول على العلم .

 الطالبة سهام خالد على محمد إبراهيم مدرسة الشهيد محمد جمال عبد الكريم الثانوية القسم العلمي علوم ، والحاصلة على مجموع397.5، من قرية ميت تمامة مركز منية النصر محافظة الدقهلية .

 

تنتمى سهام لأسرة مكونة من خمسة أفراد فوالدها بائع خضار ووالدتها ربة منزل وأشقائها الصغار ميادة ومحمود يقطنون فى منزل بسيط ومتواضع.

وتحدثت الطالبة سهام “للمنصورة توداي ” عن قصة نجاحها فى السطور القادمة:

ماهو هدفك فى الدراسى الذى كنتى تطمحين لتحقيقة؟

هدفى هو الإلتحاق بكلية الطب قسم جراحة القلب

هل كنتى متوقعة النتيجة، وراضية عنها؟

كنت متوقعة أكتر من ذلك، وقدمت تظلم وإن شاء الله يتقبل عشان أدخل الحق كلية الطب البشرى على الأقل أحقق فرحتي وأشاركها مع الناس ومكنتش باخد دروس خصوصية خالص.

من أبلغك بالنتيجة وماهى ردة فعلك ؟

أستاذى الفاضل محمد فايد وله فضل كبير عليا وكان يشجعني وكان بيقولى أنتى بنتى التى لم أنجبها ، ولما قالى النتيجة فرحت جدا بس كان نفسى فى 98% لأنى تعبت جدا .

نفسك تدرسي بأى مجال وأي جامعة؟

نفسى أدرس الطب البشرى قسم جراحة القلب ومثلى الأعلى الدكتور مجدى يعقوب وانه رجل عظيم ونفسى أدخل جامعة المنصورة عشان ابقى قريبة من أهلي لأنى مرتبطة بيهم أوي .

هل كان فيه توتر قبل ظهور النتيجة؟

اه طبعا خايفة من الظلم اللى بيحصل، وكنا فى رمضان ونظام امتحان جديد .

هل الوصول لهذا المجموع صعب أو مستحيل كما يزعم البعض؟

أنا مش شايفاه صعب أو مستحيل ومش سهل أوى ، ولكن ممكن جدا للفرد أنة يوصل لكدة ولازم الفرد تكون علاقتة بربنا كويسة عشان يحققلة اللى بيتمناه .

وعلى الجانب الإجتماعى هل كان لديكِ صديقات أم إنطوائية ؟

بالعكس ليا علاقات كتير مع اصحابى والأكبر منى وبينصحونى ، وأكتر صاحبة ليا اّية أحمد حافظ هى أكتر صاحبة ليا .

بماذا نتصحين المقبلين على الثانوية العامة السنة القادمة؟

كل حاجة بتوفيق ربنا ومتعملش أى حاجة مترضيش ربنا ولازم يكون جواك ايمان انه ربنا هيحققهالك ، ورضا الوالدين وهما نعمة ولازم ترضى الوالدين وهى سنة ليست النهاية ولكن بداية وممكن ناس بتطلم فيها بس لازم تحقق الإنجاز فى الكلية اللى انت فيها .

ماهو أسلوبك فى المذاكرة ؟

بحدد لكل مادة وقت ليها كل مادة تستحق وقت قد ايه مادة سهلة وقت قليل ومادة صعبة تحتاج وقت كبير ، ومجهود أكبر ومذاكرة أكتر وحل كتير ولازم اكتب كل حاجة مش اقرأ كده وخلاص.

لمن تهدى هذا النجاح؟

بهدى النجاح لأبويا وامى أتمنى أكون حاجة عظيمة عشان اسعدهم وأن بنتهم تطلع دكتورة ويمشوا رافعين راسهم ويكون ليهم مكانة فى المجتمع وعمرى ما اعتبرت فقرنا ده حاجة عيب ولا حرام انا بفتخر بدة وانا كنت بشتغل فى الغيط مش بصفة دايمة عشاان الدروس وعشان مصاريف 3ثانوى كتير وكنت لازم احس بيهم .

وتقول  والدة سهام ” لما سمعت النتيجة قعدت أعيط وعرفت ان مجموعها يدخلها طب، وكنت بشجعها واقعد معاها شوية وحلمى انه أطلع حج  ” .

وأشادت سهام بدور والدتها حيث أنها كانت مصدر التشجيع  وتقول”نفسى أحققلها حلمها انها تعمل عمرة لانها وقفت جمبى كتير ، وكنت بساعدها فى أعمال البيت” .

وعند سؤال الوالد بما تنصح أولياء الأمور؟ رد قائلا: “اللى عندة عيل يصرف علية بما يرضى الله ويضغط عليه ، أنه يتعلم لأن العلام حلو وكل شئ بايد الله سبحانة وتعالى”

ويرغب أشقاء سهام الصغار ، بأن يكونوا مثلها يسيروا على نهجها فى التفوق والنجاح .