قصة أهالي المنصورة مع شم النسيم

كتب ياسر عبد الرازق

يحرص أهالي المنصورة علي الاحتفال بعيد شم النسيم مثلهم في ذلك مثل باقي مدن الجمهورية , وتتمثل مظاهر الاحتفال في الخروج للحدائق العامه مثل حديقة شجرة الدر او حدائق حي شرق المنصورة المتعدده  مصطحبين معهم البيض الملون والرنجه والفسيخ وغيرها من الماكولات التي تعود الجميع علي تناولها في هذا اليوم .

يذهب البعض الي   النوادي الرياضية مثل نادي  الجزيرة الرياضي بالمشاية السفلية بالمنصورة و نادي الحوار الرياضي الذي اختار المطرب رامي جمال لاحياء حفل شم النسيم بالنادي مساء الاحد المقبل , ونادي الشرطه ونادي النيل .

يفضل اخرون الذهاب الي المدن الساحلية القريبة من المنصورة مثل جمصه وراس البر لقضاء اليوم بها والاستمتاع بالبحر واصطحاب الفسيخ والرنجه والخس والبصل الاخضر وقضاء يوم جميل .

والسؤال الذي يطرح نفسه متي بدا احتفال المصريين بشم النسيم والاجابة هي:

شم النسيم ‏ عيد مصرى قديم من حوالى 2700 قبل الميلاد، يعنى عيد عمره اكتر من 4700 سنه. اسم شم النسيم جاى من كلمة شمو وهيا كلمه هيروجليفي.

عيد شم النسيم عند المصريين القدام بيعلن بداية الحياه لإن المصريين القدام شافو ان الربيع بداية الحياه (لان الزهور بتتفتح فى الربيع و كمان الزرع بيخرج من الارض).

المصريين القدام كانو بيحتفلوا بشم النسيم بنفس الطريقه اللى لسه موجوده لغاية النهارده، فكانو بياكلو البيض الملون والفسيخ و السردين والبصل والخس، وكل حاجه منهم بترمز لرمز. زى البيض اللى هوا رمز خروج الحياه، لإن الكتكوت بيخرج من جماد. و الفسيخ او السمك المملح عموما كان تعبير من المصرى القديم عن حبه للنيل (لان السمك بييجى من النيل). و البصل اللى كان رمز للحياه عند المصريين القدام، وكانو بيعلقوه على الجدران بتاعة بيوتهم (زى ما بيحصل لغاية دلوقتى ).والخس اللى كان اسمه (عيب) بالهيروجليفى كان بيعتبر من النباتات المقدسه، وكان معروف من الاسره الرابعه.

الإحتفال بشم النسيم عند المصرى القديم كان مهرجان شعبى بيبتدى مع طلوع شمس اليوم ، و كان بيقضيه المصريين فى الفسح فى الجناين و على شط النيل و الاماكن اللى فيها زرع. وبيكون شم النسيم يوم الاتنين اللى بعدعيد الفصح و اللى بيكون يوم حد.

شم النسيم، اقدم عيد شعبى فى الدنيا، بيفتخر بيه المصريين بإعتباره عيد خاص بيهم و بمصر بغض النظر عن عقائدهم الدينيه. اتنقلت مظاهر كتيره من احتفال المصريين بعيد شم النسيم لمناطق تانيه فى العالم و حتى أوروبا.

شم النسيم مالهوش علاقه بعيد النيروز المصرى اللى هو عيد السنه القبطيه فى اول شهر توت و اللى كان بيتعمل فيه كرنفال فى القاهره.