كتبت : شيماء العدل
معظم البنات بتدور علي مكان خاص يجلسن فيه دون الخوف من التعرض للتحرش، أو غيره من المضايقات لهن، وهذا يعد أمرًا صعبا جدا .
جاءت “الكافيهات” الخاصة بالبنات دون الرجال ملجأ أخيرًا لهن للترويح عن أنفسهن ، فهي الحل الوحيد لكى تستطيع الفتيات الخروج مع صديقاتهن دون خوف ومن هنا جاءت فكرة لبني ياسر صاحبة كافيه ” باندا ” للبنات بشارع ربيع المتفرع من شارع كلية آداب بالمنصورة .
قالت لبني صاحبة الكافيه أن البنات ليس لهن مكان فى المدينة يذهبن إليه أو يقضين وقت الفراغ فيه، ففكرت فى أن تنشئ كافيه للبنات فقط فى المدينة ، عبارة عن كافيه ومكتبة للبنات بس واللي بيشتغلوا فيه كلهم بنات ، أما عن الشيشة فإننا هنا لا نقدم الشيشة أبدًا، ولا يوجد تدخين .
وأضافت مفيش أى بنت كانت بتعرف تخرج خالص ما فيش أماكن خروج للبنات ، ففكرت أعمل حاجة للبنات بس ومش بحاول أخليها مقتصرة على أكل و شرب بنحاول يكون فيها أنشطة كتير، لعب وقراءة يعنى حاجه شاملة للبنات ييجوا يعملوا كل حاجه فيه”.
وقالت مني أحمد ، إحدى الفتيات رواد الكافيه :”لما بنكون قاعدين فى مكان عاوزين نلعب طاولة أو كوتشينة أنا وزميلتى بنلاقى ولد بيرخم علينا” ، وأهم شىء في “باندا” أنه ممنوع دخول الأولاد فيه قائلة :”بنعرف نعمل أى حاجه من غير ما حد يجرح مشاعرنا أو خصوصياتنا”.
وتابعت هالة محمود إحدي المترددين علي الكافيه”المكان ما فيهوش تدخين ومميز ومختلف فى الديكور عن أى كافيه حتى إللى شغالين بنات الفكرة كمان جميلة ، عشان ما فيش مكان نهائى في المنصورة لخروج البنات .
