مقالات واراء

أحدث المعلومات المهمة جدا بتاريخ النهاردة عن نظام التعليم الجديد من الابتدائية وحتى الثانوية

عايز تعرف ابنك هيدرس ويتعلم ويمتحن إزاي في نظام التعليم الجديد.. اقرأ

أحدث المعلومات المهمة جدا بتاريخ النهاردة عن نظام التعليم الجديد من الابتدائية وحتى الثانوية.

كتب : أحمد حافظ

عايز تعرف ابنك هيدرس ويتعلم ويمتحن إزاي في نظام التعليم الجديد.. اقرأ

قبل أي شيء، الشرح طويل بس فيه كل حاجة مش لاقي لها سؤال.. الكلام ده من لسان وزير التعليم النهاردة (٩ / ٩ / ٢٠١٨) في المؤتمر الصحفي.. اقرأ براحة علشان تفهم وتكون عارف ابنك هيدرس إيه ويمتحن إزاي.

– بالنسبة للأطفال الملتحقين بـ(كي جي1) و(كي جي 2) والصف الأول الابتدائي:
1- لا يوجد امتحانات حتى الصف الثالث الابتدائي وهناك طرق بديلة لتقييم الطلاب
2- كتب جديدة بمناهج جديدة تماما
3- كل طالب يستلم 4 كتب
4- الكتاب الأول (عربي) والثاني (إنجليزي) والثالث (دين) والرابع عبارة عن منهج يتضمن مصطلحات معرفية وفقرات ومفاهيم (علمية ورياضية وحسابية وتاريخية).
5- الكتب الأربعة تدور حول محاور ثابتة مثل (أنا مين- من هي عائلتي- ما هو وطني- ما هو العالم المحيط بي- ما هي القارات- بعض صفات القارات- كيف نشأ العالم- كيف يمكن التواصل مع الآخرين وهكذا)
6- هناك دروس عن النباتات- تكوين الإنسان- الوجبات الغذائية- النظافة- الحشرات- الحيوانات- موج البحر- مع مجموعة من العلوم الحياتية (حاجات بسيطة تتناسب مع عقلية الأطفال وأعمارهم).
7- الكتب الأربعة تدور في فلك واحد، وهي بناء الإنسان الصغير وفق متطلبات العصر بعيدا عن الحفظ ولكن الفهم والمعرفة.. لا يوجد شيء في نظام التعليم الجديد اسمه الحفظ.
8- لا يوجد مادة للمستوى الرفيع.. لأن المنهج الجديد لمادة الإنجليزي لا يحتاج المستوى الرفيع، حيث تم دمج المستوى الرفيع مع المادة الأصلية في كتاب واحد بحيث يتم تقوية الطفل في الإنجليزي منذ الصغر.
9- إلغاء المستوى الرفيع يتعلق فقط بمراحل كي جيي1 وكي جي وأولى ابتدائي وباقي الصفوف مستمر فيها المستوى الرفيع كما هو.
10- احذر شراء كتب خارجية.. لا علاقة لها بكتاب الوزارة، وكل الكتب الخارجية في الأسواق حاليا تتضمن مناهج كي جي1 وكي جي وأولى ابتدائي مزيفة ومناهجها غير مناهج الوزارة.
11- الكتب الخارجية تعتمد على الحفظ وحل الأسئلة بإجابات نموذجية وكتب الوزارة تعتمد على الفهم ولا يوجد شيء اسمه الإجابة النموذجية.. ابنك قد يصاب بازدواجية في التعليم.
12- طريقة معرفة الكتاب المزيف من كتاب الوزارة: الكتاب المزيف لا يوجد عليه اسمه مؤلف ولا اسم دار النشر ولا شعار الوزارة، أما كتاب الوزارة عليه كل ذلك، بالإضافة إلى شعار بنك المعرفة المصري.
13- الوزير قال بالنص: اللي يشتري كتاب خارجي للصفوف الثلاثة الأولى هو الجاني على ابنه واحنا مش مسئولين عنه.
14- بالنسبة للمدارس اللغات (تجريبية وخاصة) تم ترجمة كتاب الباقة إلى لغات، أما المدارس الحكومية العادية سوف تدرس كتاب الباقة باللغة العربية.
بالنسبة للصف الأول الثانوي:
1- التغيير في نظام الثانوية الجديدة (التراكمية) عن الثانوية الحالية يتعلق فقط بطريقة الامتحانات وتقييم الطلاب.
2- التابلت وسيلة للتقييم وليس كل شيئ.. التابلت مجرد أداة لتقييم الطلاب بطريقة إلكترونية.
3- الصف الأول الثانوي (اللي لسه رايح أولى ثانوي) العام الجديد هتكون أول سنة تجريبية.
4- لن تضاف درجات الصف الأول لتقييم الطالب ولن تحتسب عند دخوله إلى الجامعة.
5- سيتم احتساب درجات الصفين الثاني والثالث الثانوي فقط.. للدفعة الجديدة اللي لسه هتدخل أولى ثانوي.
6- الهدف من استخدام التابلت (القضاء على الغش- القضاء على التسريب- القضاء على أخطاء التصحيح- القضاء على لجان أولاد الأكابر- القضاء على فكرة الامتحان الموحد- القضاء على الإجابات النموذجية).
7- في النظام الجديد للثانوية العامة.. لو فاهم المهنج هتحل.. لو حافظ المنهج فقط مش هتحل ولا سئول.
8- لن يتم توزيع التابلت قبل نهاية شهر نوفمبر حتى يتم الانتهاء من توصيل الإنترنت للمدارس وإنشاء شبكات وألياف ضوئية داخلية وتشغيلهها بخدمة الوايف اي وإنشاء السيرفرات الداخلية.. التابلت مش هيتوزع دفعات.. هيتوزع على كل الطلاب في يوم واحد لما يكتمل تصنيع 708 آلاف تابلت.
9- لحين توزيع التابلت على الطلاب: سوف تتم الدراسة والشرح عن طريق الكتب.. الطلاب هيستلموا الكتب بداية الدراسة.. وسوف يتم اختبارهم ورقيا لحين استلام التابلت وبعدها يتم امتحانهم وتصحيح الامتحانات إلكترونيا.
10- طالب الصف الأول الثانوي لن يمتحن إلكترونيا على التابلت قبل شهر يناير المقبل.
11- بالنسبة للدروس الخصوصية في الصف الأول الثانوي العام: الوزير قال بالنص (لو أخدت درس مش هتستفيد أي حاجة لأن المدرس الخصوصي بيعلمك الحفظ وأنا همتحنك في الفهم.. يعني طريقة شرحه مش هتنفعك في الامتحانات بتاعت المدرسة.. ومش هسألك في اللي هو حفظهولك.. هسألك في اللي انت فهمته من المنهج وبس.. لو فاهم هتحل لو حافظ مش هتحل حاجة. لو هتدرب نفسك على الحفظ يبقى بتضيع وقتك ومستقبلك).
12- لا تراجع عن تطبيق نظام الثانوية العامة الجديد.. لأن كل الجهات شغالة عليه.. مجلس الوزراء.. الجهات السيادية.. الجهات الرقابية.. وزارة التعليم.. وزارة الاتصالات.. مع متابعة لحظية من رئاسة الجمهورية.
13- التابلت مجانا من الدولة للمدارس الخاصة والتجريبية والقومية.. لكل طالب يلتحق بالصف الأول الثانوي بمصر محدش هيدفع فيه مليم.
بالنسبة لموقف المدارس اليابانية:
1- افتتاح 34 مدرسة مطلع العام الدراسي الجديد يوم 22 سبتمبر.
2- قبول 13 ألف و240 طفل في كي جي1 وكي جيي2 والصف الأول الابتدائي.
3- قبول 700 معلم للعمل بالمدارس التجريبية.
4- سيتم إجراء فحوصات طبية ونفسية للمعلمين واختيارهم بمعايير علمية وأكاديمية.
5- سيتم تدريب المعلمين على تطبيق أنشطة التوكاتسو اليابانية بواسط خبراء يابانيين من يوم 14 إلى 18 سبتمبر.
6- سيتم تدريب معلمي المدارس اليابانية على نظام التعليم الجديد في الصفوف الثلاثة الأولى ابتدائي من 18 إلى 20 سبتمبر.
7- المدارس اليابانية مفيهاش –حتى الآن- أتوبيس يوصل ابن حضرتك من البيت للمدرسة والعكس.
8- الدراسة في المدارس اليابانية باللغة العربية، ما عدا مادة منفصلة هي الإنجليزية ومفيش مستوى رفيع.
9- كل ما ذكرته في بداية البوست عن نظام التعليم الجديد في كي جي1 وكي جي 1 وأولى ابتدائي هيطبق على أطفال المدارس اليابانية.
10- مفيش تابلت لأي طالب في مصر غير اللي رايح أولى ثانوي فقط، وهيفضل معاه لحد نهاية 3 ثانوي عام.
……………….
أرجو أن أكون شرحت باستفاضة وعذرا للإطالة، فمن حقك أن تفهم كل ما يتعلق بمستقبل أولادك.

المصدر الصحفى احمد حافظ

 

وزير التعليم
الوسوم

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *