كتبت : نورهان خالد
في واقعة مؤلمة، كان ضحيتها رجل مُسن يدعى محمد أمين أحمد البحيري مقيم بقرية الطيبة ، إذ أقبلت ابنته على سرقته وقامت بحبسه دون طعام ولا شراب لمدة ثلاثة أيام داخل شقتها.
بحرقة شديدة، يتحدث الحاج محمدللمنصورة توداي ، عن عقوق ابنته له وسرقتها لمعاشه وحبسها له بدون طعام أو شراب، قائلًا: “أنا كنت عايش في شقة ايجار وبعد موت زوجتي وصاحب الشقة طلبها مني وقالي عشان عايز أزوج ابني.. ومكنتش عارف اروح فين رحت عند بنتي واقمت معاها 4 أيام فقط معاها هي وزوجها، وبعدها طلبت من ابنتي أن تقبض لي المعاش وبالفعل وافقت وذهبت حتي تقبض لي المعاش وانتظرتها كثيرا ولكن هي حبستني في الشقة بدون أكل أو شرب وسرقت المعاش مني هي وزوجها وراحت عن والدتها اللي منفصل عنها”.
وأضاف: “جلست في الشقة 3 أيام بحاول استغيث بالجيران لحد ما الجيران سمعتني وفتحت لي الباب.. وبعد ما الجيران فتحتلي الباب جيت لي جاره وادتني الفيزا بتاعت المعاش سألتها علي الفلوس قالتلي احمد ربنا يا حج إنها سبتلك الفيزا والبطاقة ، ومن يوميها وأنا اقعد في الشارع ولا حد فيهم سأل عليه ولا حاجة ، أنا عندي بنت تانية ولكن هي مقطعاني علشان جوازها حكم عليها بإنها متكلمنيش، وعايش دلوقتي في الشارع أهالي الشارع ساعدوني واشتروا لي فرشة علشان أنام عليها وكل يوم بيجيبوا ليا أكل”.
واستكمل الحاج محمد ” أنا كنت عامل حادثة من زمان وعملت 3 عمليات تركيب مفصل وفشلوا وعايش بدون مفصل في الرجل اليمين.. وابن بنتي بيعقد يتريق عليا وبيهني ، أنا مش عايز حاجة غير مكان يسترني علشان الشتاء والبرد اللي بتعرض له وأنا هقدر أوفر أكلي وشربي”.
التعليقات متوقفه