كتب ياسر عبد الرازق
اجتاح غضب عارم بين طلاب وطالبات الصف الأول الثانوي بالمنصوره وأولياء الأمور بعد سقوط السيستم، والاتجاه للامتحان الورقي،حيث تلقت المنصورة توداي الكثير من الشكاوي من أولياء الأمور نعرض منها شكوي الأستاذة عزة النمكي التي قالت :
نظام فاشل والحل الغاء الثانوية التراكميه والتابلت والعودةالي النظام السابق… اولادنا مش حقل تجارب… عايز تغيير يكون من الابتدائي ويجب عمل دراسة متكاملة لأي نظام قبل تطبيقه
ده إهدار للمال العام ولاعصاب أولياء الأمور وتلاعب بمستقبل اولادنا وهدم كل حلم بيسعوا لتحقيقه.
أميرة فرج سعد الدين أكدت فشل النظام وتأثيره السلبي علي ابنها الطالب بمدرسة الهدي والنور ورغم انه متفوق الا ان هذا النظام أصابهم بالياس والاحباط، وطالبت ب إلغائه فورا، والعودة للنظام السابق.
محمد علي طالب بمدرسة الثانوية العسكرية بالمنصورة “والله اللي بيحصل ده حرام احنا مش فئران تجارب، طالما مافيش استعداد لتطبيق النظام صح لمصلحة مين العذاب اللي احنا في؟؟
هدير تامر طالبة بمدرسة الثانوية بنات بالمنصوره” حسبنا الله ونعم الوكيل في السبب، ده نظام دمرنا نفسيا واصبحنا مشتتين، ومش فاهمين اي حاجه.
